சுலபமான ஏமாற்றம்

உங்களை
மிகச் சுலபமாக
மிக நேர்த்தியாக
என்னால் ஏமாற்றிவிட முடியும்
அதுவும் உங்கள் கண்கள்
திறந்திருக்கும் சமயத்தில்
அல்லது
கண் இமைக்கும் நேரத்திற்குள்
ஏமாற்றி விடமுடியும்
நீங்கள் புத்திசாலியாக
மெத்த படித்தவராக
அறிவு ஜீவிகளாக
அனுபவமிக்க கிழவனாக
யாராகவும் இருக்கலாம்
ஏமாந்தும்
ஏமாற்றும் கடவுளை
நீங்கள் வெகுகாலம் நன்கு அறிவீர்கள்
மேலும்
ஒரு ஏமாறும் வாசகரையும்
நான் அறிவேன்
ஒரு கடவுள்
ஒரு புத்திசாலி
ஒரு கிழவன்
கண் இமைக்கும் நேரம்
அல்லது ஒரு வாசகன்
மிகச்சுலபமான ஒரு ஏமாற்றம்
நல்லது
நீங்கள் நன்கு அறிந்திருக்கிறீர்கள்
இப்பொழுது
கடவுளின் கண்கள் இமைக்காதிருப்பதை
அந்த வாசகனிடம் மட்டுமே
கேட்கமுடியும்
அதுதான் மிகச் சுலபமானது