கிழக்கில் இறந்தவன்

துப்பாக்கியும்
இரண்டு தோட்டாக்களும்
என்னிடம் இருந்தது
ஒன்று
தற்காப்புக்கும்
மற்றொன்று
தற்க்கொலைக்கானது
வடக்கே ஒருவன் நெருங்க
தற்க்காப்பாய்
ஒன்றை இழந்திருந்தேன்
தெற்கே ஒருவன் நெருங்க
ஏதும் செய்ய இயலாமல்
மற்றொன்றின் சப்தம் எழும்பி அடங்க
துப்பாக்கி அந்தரத்தில் தொங்குகிறது
அதற்கிடையில் பார்த்தேன்
மேற்கிலிலிருந்து
ஆட்கள் வந்து கொண்டிருந்தார்கள்

ஏழாவது கடவுள்

அனேகம்பேர் காதல் கொள்ளும்
இளம்பெண்ணிற்கு நான்
நாற்பத்தெட்டாவது காதலன்
குறிஞ்சிநில விளிம்பில் வாழும்
பேரழகியான அவளுக்கு
தக்காளி என்ற பெயருமுண்டு
தன்இளம் சகோதரனின்
துரோகத்தால்
நடுக்கமுறும் நாட்களில்
எனது சிறிய அன்பில்
விரல் பிடித்து
நெடுந்தூரம் நடந்தும்
ஏழு கடவுளாலும்
ஆசிர்வதிக்கப்பட்டிருந்தோம்
அவளின் மஞ்சள்நிற புகைப்படமும்
நாற்ப்பத்தேழாவது காதலனின் நட்பும்
கிடைத்திருப்பது துருதிஷ்டமானது
அதீத முத்தங்களுடன்
குறிஞ்சிநில மலர்களில்
எனது சிறிய அன்பினை
சேகரித்துக் கொண்டிருக்கும் வேளையில்
தன் சகோதரர்களின்
பேரன்பினால்
தன்னிலை மறந்திருந்தாள்
அவளை காதலிக்கும்
நாற்பத்தெட்டாவது காதலன்
அதீத முத்தங்களுடன்
மிருதுவான தக்காளிகளை
பெட்டியில் அடுக்குகிறான்
ஏழாவது கடவுளும்
அவனை கைவிட்டிருந்தாள்

வெறி பிடித்த பல்லிகள்

தூசு படர்ந்த இருப்பிடத்தை

சுத்தம் செய்து குளிக்கும் அவளின்

உள்ளாடைகள் களவு போகின்றன

கதவிடுக்கில் நிர்வாணம் கண்ட

பல்லியொன்று அவளின்

முலைக்கொத்துகளில் குரூரம் பதிக்கிறது

நனைந்த மேனியுடன் அவள் வெளியேறுகையில்

சன்னலிலிருந்த பட்சியொன்று

அவளின் யோனி கற்றையுடன்

கூடுகளுக்கு விரையும்

புதிய உள்ளாடைகளுக்குள்

தன்னை திணித்துக்கொண்டு

விளம்பர கம்பத்தின் மஞ்சள் ஒளியில்

அவள் புன்னகைக்கிறாள்

கடந்த வருடம் அவளதுடல்

அதிக லாபம் ஈட்டியதாக

புள்ளிவிபரங்கள் தெரிவிக்கின்றன

அவளின் பெயர் தாங்கிய இளம்பெண்களோ

அதிக திமிரோடு அலைந்ததுகொண்டிருக்க

இப்பொழுதெல்லாம்

இருப்பிடத்தினுள் படர்ந்த தூசுகளை

அகற்றுவதேயில்லை அவள்

பளபளபாகிவரும் அவளுடலின் மீது

பரந்து விரிந்த நிறுவனமொன்று

முதலீடு செய்துள்ளது

முன்னெப்பொழுதையும்விட

மிகுந்த பாதுகாப்புடன் இருக்குமவள்

தொடர்ந்து தனது உள்ளாடைகள்

களவுபோவது குறித்து கவலையடைகிறாள்

காணமற்போன சத்யா


பெருத்த மரத்திற்க்கடியில்தான்
சத்யா காணாமல் போயிருந்தாள்
என்விரல் பற்றிதான்
அமர்ந்திருந்தாள்
எதிரே சிறிய நீரோடையும் இருந்தது
சிறிய பாம்பொன்றையும்

காண்பித்தவளும் அவள்தான்
இதழ் உதிர்ந்த மலரை நீட்டியதும்
கடவுளை அருகழைத்து
முரட்டுக் காதலையும் தெரிவித்தாள்
தொலைந்த கணம்
அறியமுடியவில்லை
இதோ
மரத்தின் பின்னால்
முகம்காட்டி மறையும் ஒருத்தியை
சத்யாதான் என்று உறுதிபட
உணரமுடியாதெனினும்
ஊர்ந்தொடும் பாம்பின் சரசரப்பை உணரமுடிகிறது