கிழக்கில் இறந்தவன்

துப்பாக்கியும்
இரண்டு தோட்டாக்களும்
என்னிடம் இருந்தது
ஒன்று
தற்காப்புக்கும்
மற்றொன்று
தற்க்கொலைக்கானது
வடக்கே ஒருவன் நெருங்க
தற்க்காப்பாய்
ஒன்றை இழந்திருந்தேன்
தெற்கே ஒருவன் நெருங்க
ஏதும் செய்ய இயலாமல்
மற்றொன்றின் சப்தம் எழும்பி அடங்க
துப்பாக்கி அந்தரத்தில் தொங்குகிறது
அதற்கிடையில் பார்த்தேன்
மேற்கிலிலிருந்து
ஆட்கள் வந்து கொண்டிருந்தார்கள்