குகை ஓவியம்

ஒரு சிற்றோடையைப் போல்
மலைச் சரிவுகளில் உலவி
குத்தீட்டியால் காட்டுப் பன்றிகளை
வேட்டையாடி அதன் தடித்த வார்களை
சூடாக்கப்பட்ட பாறையில் பரப்புகிறேன்
வண்ணத்துப்பூச்சிகளை துரத்தும் பொழுது
கச்சைகள் குலுங்குவதாய்
உரித்தெடுக்கப்பட்ட விலங்கின் தோலில்
செய்த அதை அவிழ்த்தெரிகிறாய்
உனது தானியங்கள்
முளை விட்டிருந்தது
நெய்யொழுகும் வார்களை பகிர்ந்து
சிறிய நெருப்பின் முன்
நாம் புணர்ந்து தீர்க்கவும்
உன் தளிர் மேனியை
குகைகளில் ஓவியம் தீட்டுகிறேன்
வண்ணத்தியின் நீலத்தை நிரப்புகிறாய்
வரைந்த தலையில் சிறகொன்றை செருக
பசலை கொண்டதுன் முகம்
வளரும் மூன்றாம் நாளின் நிலவு
உனது தானியங்கள்
பால் செறிந்து முற்றத்தொடங்குகிறது